| Curiosità |
| Le parole della memoria Proverbi e detti Ricetta natalizia |
| Le parole della memoria Armèlla nocciolo di pesca Baciòcca ganza, amante Bacioccà tentennare Raccolatt attaccabrighe Raccanatt fabbricante o venditor di grappa Inizio Proverbi e detti Per San Nicola 6 dicember San Nicolò el pòrta i pòmm, Sant Ambroeus ie fa coeus, la Madòna i ha pelaa, el Bambin i ha mangiaa. Dicember, olter a quèst, per i fioeu el gh’ha ona ròba bòna, ch’el pòrta Sant’Ambroeus e la Madòna, ch’hinn l’avanguardia de tutt i fèst! A Natal tucc fradei, a San Steven foeura i cortei. La fiòcca desembrina per trii mes la confina. Per Sant’Ambroeus buratta e coeus. Inizio Ricetta Natalizia El pollin de Natal L’è semper mej ona pollina, perchè la soa carna l’è pussee tènera. Se nètta, se brusatta el pollin e el se impieniss cont i sò interior (coeur, fidigh, stòmegh ecc.) triaa on poo gròss, poeu on pugn de brugn sècch mojaa in acqua calda, on pugn de marròn ròstii e pelaa, dusent gramm de luganega spellada, dò pommei senza pèll e senza gandollitt steccaa con duu trii ciod de garòfol, saa pever ona nos de butter. Se cusiss el bus (guardii vialter in doe el stà, comunque in gener se troeuva sul posterior) poeu se ben el pollin ò la pollina el se rotola in la gradisèlla e se mètt in la polliroeula de ramm insèma a centcinquanta gramm de butter, saa, foeuj de laor, erbasavia e rosmarin in abbondanza. Fà indorà ben ben, bagnel cont el sò sughettin se necessaria con del broeud bon. La cottura la pò vèss anca de quatter o cinqu or a segonda de la grossèzza del pollin. El grass se dev dislenguà e la pèll la gh’ha de vèss dorada e ben croccanta. Se fii come v’hoo dii el ven ben senz’alter se poeu vori ciamamm semper a disposizion per l’assagg. Ultimm consili el vin; mì sù sto piatt ghe bevi on vin puttòst corpos. Barbera d’Alba o del Monferrato - Cabernet - Carema - Chianti Classico - Cirò - Corvo Rosso - Freccia Rossa - Ghemme - Grumello - Nipozzano - Vino Nobile di Montepulciano - Valcalepio Rosso - Clastidio Rosso. Ma la mia preferenza va al Barbaresco. Inizio |